رن .. رن .. رن


بيبو:كيفك قنقوش؟؟


قنقوش:ماشي حالي


بييو:مارح طوِّل عليكي لإنو مامعي وحدات واحتمال بأي لحظة يفصل خطي.


قنقوش:خير شو فيه؟؟


بيبو: آخر شهر آذار رح يكون اعتصام ضد سيريتل وإم تي إن .


قنقوش:إيه وشو لازم نعمل؟؟


بيبو:لازم مانحكي ومانستقبل ولا نرسل رسائح ومانفتح النت عن طريق الموبايلات.


قنقوش:إيه وشو رح نستفيد؟


بيبو:بدنا نجبر الشركتين يخفضوا شوي ها الأسعار ويعاملونا كبني آدمين..ومتل ماعم ياخدوا يعطونا..

قنقوش:لك آآآخ يابيبو..بحزيران ساوينا حملة راحوا كبسونا بنظام الثواني والضحك على اللحى، وهلا إذا التزموا الشباب وقاطعوا خدمات الشركتين ليوم واحد فأكيد رح تضربنا الشركتين عشرين صفر ويصيروا ياخدوا على التعليم..بقا خلي جلدنا علينا وبلاها ها المقاطعة من أساسها ..لإنو” دق المي وهي مي”.


طننننننننننننننننننننننننننننننننننننننننننن ..


قنقوش:ألو..ألو..يبدو طاروا وحدات بيبو.

ـــــــــــــــــــــــــــــــــــــــــــــــــــــــــــ
على الرصيف المقابل:

شام منحبك..ولكن

كنا بالتركي صرنا بالهندي

Advertisements