You are currently browsing the category archive for the ‘MSN’ category.
قنقوش فتاة تبلغ من العمر سبعة أعوام..ذكية، فطنة، نبيهة..
المكان : في بيتنا أنتظر نشرة الأخبار..
الزمان : الثانية ظهرا..
عناوين النشرة كانت كالتالي:*
- أهالي جسر الشغور يواصلون العودة إلى قريتهم بعد عودة الهدوء والأمان إليها.
- ضبط كمية كبيرة من الأسلحة كانت متجهة من قرية خربة الجوز إلى اللاذقية.
- السوريون يواصلون تأييدهم لمسيرة الإصلاح .
تهب قنقوش كالبارود وتقف على قدميها لتقول :
بيبو:كل عام وإنتي بخير ياقنقوش
قنقوش:إنت بتعرف إني مابحب الأعياد..بس منشان ماتزعل وإنت بخير
بيبو:”لعمش ليه
هنن الوحيدين اللي منعطل فين”
رن .. رن .. رن
بيبو:كيفك قنقوش؟؟
قنقوش:ماشي حالي
بييو:مارح طوِّل عليكي لإنو مامعي وحدات واحتمال بأي لحظة يفصل خطي.
قنقوش:خير شو فيه؟؟
بيبو: آخر شهر آذار رح يكون اعتصام ضد سيريتل وإم تي إن .
قنقوش:إيه وشو لازم نعمل؟؟
بيبو:لازم مانحكي ومانستقبل ولا نرسل رسائح ومانفتح النت عن طريق الموبايلات.
قنقوش:إيه وشو رح نستفيد؟
بيبو:بدنا نجبر الشركتين يخفضوا شوي ها الأسعار ويعاملونا كبني آدمين..ومتل ماعم ياخدوا يعطونا..
قنقوش:لك آآآخ يابيبو..بحزيران ساوينا حملة راحوا كبسونا بنظام الثواني والضحك على اللحى، وهلا إذا التزموا الشباب وقاطعوا خدمات الشركتين ليوم واحد فأكيد رح تضربنا الشركتين عشرين صفر ويصيروا ياخدوا على التعليم..بقا خلي جلدنا علينا وبلاها ها المقاطعة من أساسها ..لإنو” دق المي وهي مي”.
طننننننننننننننننننننننننننننننننننننننننننن ..
بيبو: شو عم تحضري بها الأيام على التلفزيون لك قنقوش ؟؟
قنقوش: ليش فيه غير المسلسلات التركية اللي ما فيه محطة عربية إلا وعم تشغل الشعب العربي بحكياتها.
بيبو: يلعن ها الحالة.
قنقوش: اييييه .. يا ماأحلاها أيام المسلسلات التركية .. شكلك ما عم بتابع تلفزيون بها الأيام ؟؟
بيبو: ليش شو فيه شي جديد .. استشهد البطل الخارق مراد علم دار ؟؟
قنقوش: لك ياريت
بيبو: لكن شو صار؟؟
قنقوش: مبارح القناة الرائدة الـ mbc والسبَّاقة لضخ الفلسفة التركية بعقول الشعب العربي فاجأتنا بإنجازتها بأول السنة وعرضت أول فيلم هندي مدبلج للغة العربية باللهجة الخليجة.
بيبو: هه هه هه
قنقوش: ليش عم تضحك؟؟
بيبو: والله عم اتخيل لك قنقوش كيف حسناوات الهند عم يحكوا خليجي!!!!
- :شلونك قنقوش؟؟
- :ماشي حالي..شلونك إنت بيبو؟؟
- :والله محتار.
- :خير شو فيه؟؟
- :رفقاتي الشوام ياقنقوش رح ياخدولي عقلي.
- :شو صاير معهون؟؟
- :لك طوشوني وهنن بيحكوا عن الشام ومحبتون للشام…
- :إيه…حقهون..الشام بتنحب لك بيبو.
- :لك مادام بيحبوها كل ها الشي،ليش أول ماتجي الفرصة لعند واحد منهون بيسافر برا البلد ومابقا بيفكر بالرجعة أبدا،وبتصير الشام غريبة متلها متل سكانها….
آخر الرؤى..